تلقین اذکار
ذکر کے طریقے
ذکر کے بہت طریقے ہیں۔ داہنی طرف سے لَااِلٰہَ شروع کرے اور بائیں طرف اِلَّا اللّٰہ ۔ دل بائیں طرف ہوتا ہے ۔ ذکر کےمعنی پر غور کرے اورجو خیالات آئیں ان کی نفی کرتا جائے، یہ ارادہ کرے کہ میں کچھ نہیں چاہتا، کچھ نہیں طلب کرتا، کوئی محبوب مقصود نہیں ہے مگر اللہ، تمام خطرات کی نفی کرے اور پیش نظررکھے لَا مَقْصُوْدَ اِلَّا اللّٰہُ لَا مَحْبُوْبَ اِلَّا للّٰہُ لَا مَوْجُوْدَ اِلَّا اللّٰہُ جب ذکر میں گرم ہوجائے تو سوائے لَا مَوْجُوْدَ اِلَّا اللّٰہُ کے کچھ تصور نہ کرے۔ اتنا مبالغہ کرے کہ خود اورتمام موجودات کو محوکرے، یہاں تک کہ اپناشعوربھی جاتا رہے ۔ جب حواس درست ہوں تھوڑی دیر مراقبہ کر ے، اور ہر چیز سے قطع نظر کر کےحق کی طرف رجوع ہولَااِلٰہَ کی نفی سے دنیا کاپیوند باطل کرے،اور اَلاَّاللهُ کے تصرف سے حق کی محبت قائم کرے، شیخ کی ولایت سے مدد طلب کرے، یہاں تک کہ ذاکرکی ہستی ذکر کے نور سے مضمحل ہوجائے۔ بار علائق وجود اور جسمانیات کی دنیا سے نکل کرعالم روحانیت کی سیر کرنے لگے۔ قلب مؤمن خدا کی خلوت گاہ ہے، اس میں اغیار کا وجود وحدت کی عزت کوپسند نہیں ،جب یہ بارگاہ اغیار کی زحمت سے خالی ہوجاتی ہے تواِلَّا اللّٰہُ کی تجلی گاہ بن جاتا ہے۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972